Na die uitputting van 2020 het die Staatmakers dringend die buitelug en ‘n braai nodig gehad, en watter beter plek om dit te kry as op die jaarlikse Afsluitingskamp. Die jaar het ons dit gehou oor die naweek van die 9de Oktober.
Ons het almal bymekaar gekom die Vrydag middag naby Piketberg. ‘n Swem was van kardinale belang vir die voorlopers wat heeltemal te vroeg daar was! Die opgewonde gesprekke het tot laat in die nag aangehou soos wat nuwe vriendskappe gemaak word en ou vriendskappe versterk is.
Die Saterdag middag was ernstige pannekoek kompetisie gehou in die kombuis met die doelwit vir die spanne om die beste vulsel vir hul pannekoeke bymekaar te sit. Dit was sonder twyfel die soetste poeding wat ‘n groep mense nog bymekaar kon slaan.
Sondag het ons rustig verkeer met ‘n stywe ontbyt gevolg deur die Staatmaker toekennings en reg maak vir huis toe gaan.
As die na min klink moet daar onthou word dat elke stukkie af tyd goed benut was met vlugbal sessies, swem kompetisies en ‘n paar uitmuntende dutjies.
Dit was ‘n goeie opvang sessie na die vreemde, eensame 2020!
Andrea Lucas
Be First to Comment