Die Staatmakers loots ‘n prettige staptog deur Stellenbosch!

Die Stellenbosch Staatmakers het op die 13de Februarie ‘n Verwelkomingsaksie deur Stellenbosch geloots. Dit was ‘n prettige aksie waar ons groep van 12 Staatmakers ‘n skattejag aangepak het. Die beginpunt was by die Danie Craven standbeeld, waarna ons na die Botaniese Tuine, Bloemhof museum en stadsaal geloop het op soeke na die volgende leidraad. Tydens die staptog is die groep in pare opgedeel sodat ons almal mekaar beter kan leer ken. In jou paartjie het jy jou opinie gegee oor verskeie onderwerpe, onder andere wat die doel van jou groot toon is en wat jou verwagtinge is vir die jaar wat voorlê. Dié ysbreker en vele meer het ons lekker laat lag oor menings en ons baie gemakliker gemaak tussen mekaar.

Na die afloop van die skattejag het ons by Wakkaberry gaan roomys koop en almal heerlik gesels. Dit was ‘n feestelike aktiwiteit en ons sien uit vir die jaar van 2020 en alles wat dit mag inhou!

Andrea Lucas