Jonkershoek Watervalle

Dit is altyd ‘n voorreg vir ons Staatmakers om saam die Stellenbosch verkenners vroeg op ‘n Saterdag oggend (voor toetsweek) ‘n waterval roete te gaan stap. Die oggend het ons by mekaar gekom by Jonkershoek om na die eerste waterval te stap en ontbyt te eet. Sommige van die groep stappers het by die onderste poel bly rus en die brawer klomp het verder op gestap en daar rond geklim en ‘n klip toring gebou. Ons kon die ongelooflike mooi berge, bome en natuurskoon daar aanskou en die Here se teenwoordigheid beleef. Ons het terug met die stroom gestap en daar geëet en gewag vir ons vervoer. Dit was ‘n lekker manier om ons gees op te warm vir ons skakel met Valsbaai Staatmakers.